Areto futboleko Jostaldik bolada txarrari amaiera eman zion Beran irabazita (4-5)

Azpeitiko Areto Futbol Taldea | Kirolak | Artikulua
2004-01-20 17:01

  • Azpeitiarrek garaipena eskuratu zuten hilabete eta erdi pasatu ostean Iban Orbegozo atezainaren erakustaldiari esker
  • Ramiro Sanzen mutilek hiru puntu berri behar dituzte, larunbatean sailkapenean arerio zuzena den Lazkaoko Errotaundi Okindegiaren aurka

Azpeitiko areto futbol taldea merezita gailendu zitzaion joan den asteburuan Beran Gure Txokoari 4 eta 5eko emaitzarekin. Jostaldi Kirolak-ek denboraldiko partidarik serioena jokatu zuen, atzean tinko eutsiz eta aurrean, aurten askotan alferrik galdu izan dituen aukerak sare barrura botaz. Azpeitiarrak baja ugarirekin joan ziren Berara eta horrek atezainetako bat jokalari gisa jartzera behartu zuen Ramiro Sanz entrenatzailea. Taldeko bigarren atezaina den Iban Orbegozo izan zen ate azpian eta bera, hain zuzen ere, suertatu zen norgehiagokako protagonista nagusia. Juanan Garciak (3), Andoni Etxeberriak eta Iñaki Unanuek egin zituzten Jostaldiren golak.

Beran lortutako hiru puntuak jaitsiera postuak saihesteko aproposak izan baziren ere, larunbat honetakoak garrantzitsuagoak izango dira Jostaldirentzat. Izan ere, azpeitiarrek Lazkaoko Errotaundi Okindegia taldea hartuko dute herriko kiroldegian, sailkapeneko beste arerio zuzenetako bat. Partida 16:30ean hasiko da.

Erantzunak

anonimo | 2004-01-22 : 16:01

Iñaki unanue selekzion!!!!

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa