Atzo arratsaldean (hilak 11), Iraurgi Saskibaloi Taldeak eta Bruesa Gipuzkoa Basketek lankidetza hitzarmena sinatu zuten Donostian. Hitzarmen horrek "Gipuzkoan saskibaloia indartzea du helburu", Jose Luis Zubizarreta Xubi-ren hitzetan.
Hitzarmen horren ondotik bi taldeek elkarlanean hasi duten bide berriaren adierazle da gaur 20:00etan Bruesa GBC-k Valladoliden aurka Azpeitiko kiroldegian jokatuko duen partida. Bruesa GBC-k aurredenboraldian jokatuko duen laugarren lagunarteko partida izango da gaurkoa. Partidako sarreren salneurria honakoa izango da: 5 euro balioko ditu sarrera arruntak, eta 16 urtetik beherakoentzat, berriz, 3 euroko salneurria izango dute. Sarrerak leihatilan eskuratzea posible izango da.