Larunbatean, urriak 6, Ilunpeko pilotariek partiduak jokatuko dituzte Frontoi Txikian. Kadeteek Bergarakoen kontra jokatuko dute. Hirugarren mailako seniorrek Aurrera Sayatz pilota elkartekoak izango dituzte aurrez aurre eta lehenengo mailako seniorrek, berriz, Añorgarko pilotariak. 17:00etan hasiko dira partidak eta Frontoi Txikian jokatuko dira hirurak.
8tik 7 irabazi
Joan den asteburuan Ilunpeko pilotariek zortzi partida jokatu zituzten eta horietatik zazpi irabazi egin zituzten. Jesus Ruiz de Argandoña Keuttin Ilunpe pilota elkarteko kidea "gustura" agertu da Azpeitiko pilotariek joan den asteburuan erakutsitako mailarengatik.