Azpeitiko Udalak "kirolaren kalitatea hobetzeko" Kirol Mahaia osatu nahi du. Horretarako bilera egingo dute asteazkenean, hilak 24, udaletxean eta dei egin diete eskola, federatu eta aisialdi mailan kirola egiten dutenei bilera horretan parte hartzeko. 20:00etan izango da, udaletxeko areto nagusian.
Era guztietako kirolariei egin zaie deia. Izan ere, herriko kirol eragile desberdinekin harremanetan jartzeaz gain, Udalak "partaidetza-aisialdi" kirola praktikatzen dutenen parte-hartzea ere bultzatu nahi du, jarduera kirol-esparru antolatuetan, lehiaketan edota modu arautuan egiten ez dutenen parte-hartzea, alegia.