Kilometroen harira, mendi proiekzioak eskainiko dituzte

Uztarria.com | Euskara | Artikulua
2011-09-08 09:09

Datorren asteazkenean eta ostegunean, hilaren 14an eta 15ean, izango dira emanaldiak 21:00etatik aurrera, Sanagustinen

Asteartean Benantxio Iruretak Pakistani buruzko proiekzioa eskainiko du; asteartean, Broad Peak mendiaren ingurukoa Juan Vallejok

Klikproiekzioak iragartzen dituen kartela.  Argazki originala

Gero eta gertuago den Kilometroak festaren karietara, Lagun Onak Mendi Bazkunak eta Kilometroakeko lan-taldeak elkarlanean proiekzio emanaldiak eskainiko dituzte. Datorren astean izango dira Sanagustin Kulturgunean, 21:00etatik aurrera.

Guztira bi emanaldi eskainiko dituzte. Datorren asteartean, hilak 14, Benantxio Iruretak Pakistan 2011 proiekzioa eskainiko du. Antolatzaileen arabera, "emanaldian Pakistan erakutsiko digu Benantxiok; bertako jendea, paisaiak, mendiak... uztailean egindako zeharkaldian jasotako irudien bidez".

Aldiz, ostegunean, hilaren 15ean, Juan Vallejok Broad Peak, zeharkaldi handia proiekzioa erakutsiko du. Hala, Broad Peak mendiak jasotako irudiak-eta ikusteko parada izango dute bertaratzen direnek.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa