Kultur Mahaiak 320 bazkide ditu dagoeneko; zu ba al zara?

Kepa Urbieta (Kultur Mahaiaren izenean) 2011ko ira. 8a, 16:09

Urtean 10 euro dira; besteak beste, Sanagustineko proiektua laguntzeko. Bete fitxa hau

Kultur komunikabideak sortzen eta garatzen edota herriko kultur egitaraua hobetzen ere laguntzen da. Bazkideak zozketak ditu

Sanagustin kulturgunea iazko abenduan ireki zen, eta Azpeitiko Kultur Mahaiak orduan ekin zion herritarren artean bazkideak lortzeari, herriko "kultur mugimenduari gorputz sozial handiagoa emateko". Orain Sanagustin osatua zabaldu dela-eta —Kultur Mahaiak kudeatua— berriro heldu dio kanpainari, eta dagoeneko 320 bazkide dira guztira. Zu ba al zara?

Urtean 10 euro baino ez da Kultur Mahaiko bazkidetza, eta Sanagustineko proiektua sendotzen, kultur komunikabideak sortzen eta garatzen, herriko kultur egitaraua hobetzen, Kultur Mahaiak baliabide hobeak izaten... laguntzen du bazkideak.

Gainera, abantailak dauzka, zozketen bidez: ekitaldien sarrerak, diskoak, liburuak, elastikoak...

Fitxa hau bete behar da bazkide egiteko. Era berean, Sanagustin kulturgunean txartelak eta bazkide kaxa daude.

Azpeitiko kultur talde denak daude Kultur Mahaian.