Bihar, zapatua, erremonteko Oriamendi Orona Promozio Torneoko finala jokatuko dute Matxin VI.a azpeitiarrak eta Agirrezabala matxinbentarrak, Zulaika eta Zubizarreta aizarnazabaldarren kontra.
Partida gerturatzen ari dela-eta, herenegun aukeratu zituzten pilotak Galarretan finaleko protagonistek, Agirrezabala eta Matxin VI.-ak eta Zulaika eta Zubizarretak. Bikote bakoitzak bosna pilota aukeratu zituen, desberdinak guztiz. Zulaika eta Zubizarreta izan ziren aukeratzen lehenak, eta pilota pisutsuak eta geldo samarrak aukeratu zituzten. Aldiz, Agirrezabala eta Matxin VI.-ak pilota biziak hautatu zituzten, hala errazago mugitu ahal izateko. Agirrezabalak gaineratu zuenez, "ez dago pilota on eta txarrik. Partidaren ondoren esango dugu hori. Irabaziz gero ez dago-eta pilota txarrik. Matxin VI.-ak, berriz, "teniseko pilotak ere balio du eta ona da esan zuen.