Walter Becerrak irabazi du Izarraizko mendi lasterketa
Uztarria.com
|
Kirolak |
Artikulua
2012-05-14 12:54
Emakumezkoetan Maud Combarieu nagusitu zen, eta ordura arteko denbora onena hobetu zuen. Gizonezkoetan bigarrena eta hirugarrena azpeitiarrak izan dira: Xabat Manzisidor eta Enekoitz Aizpuru, hurrenez hurren.
Atzo, igandea, jokatu zen Izarraizko mendi lasterketa, 10:00etan hasita Azpeitian. Aurrez 150 lagun zeuden izena emanda, eta 125ek bukatu ahal izan zuten lasterketa. Lehenengoa Sestaoko Walter Becerra izan zen (01:56:08), bigarrena Xabat Manzisidor azpeitiarra (02:00:47) eta hirugarrena ere herrikoa izan zen Enekoitz Aizpuru (02:00:58). Becerrak ezin izan zuen Fernando Etxegaraik lortutako marka (01:54:44) denbora hautsi.
Emakumezkoetan, berriz, lehenengo postua Maud Combarieu urruñarrak eskuratu zuen (02:21:56). Nerea Amilibia aiarra izan zen bigarrena (02:24:33) eta hirugarren postua Yolanda Gurendez gasteiztarrarentzat izan zen (02:34:26). Amilibiak zuen emakumeetan atzora arteko denbora onena (02:26:23), baina Maud Combarieuk eta Nerea Amibilibiak berak hobetu egin zuten ordura arteko denbora azkarrena.
Lasterketako sailkapen osoa ikusteko egin klik hemen.
Erantzun
Erantzuteko, izena emanda egon behar duzu. Sartu komunitatera!
