Azpeitiko Gure Esku Dago dinamikak lokala zabalduko du datorren astelehenean, hilak 14. Foru Ibilbideko 7. zenbakian egongo da eta igandeetan izan ezik, irekita egongo da egunero. Astegunetan 17:30etik 19:30era zabalduko dute; eta astearte goizetan ere irekita egongo da, 11:00etatik 13:00era bitartean. Zapatuetan ere zabalik egongo da, 11:00etatik 13:00era.
Lokalean ekainaren 8an Durango eta Iruñea lotuko dituen giza-katerako izena emateko aukera izango da, eta Gure Esku Dagok kaleratutako materiala ere jarriko dute salgai. Bestalde, dinamikaren edota giza-katearen inguruko informazioa ere eskuratu ahal izango da bertan.