Manresako (Katalunia) alkate Valenti Junvent Azpeitian izango da gaur, asteazkena, "hiria erreferentzia turistiko espiritual bilakatzeko" sortu duten Manresa 2022 proiektua aurkezten. Eneko Etxeberriarekin elkartuko da proiektuaren nondik norakoak azaltzeko, 17:30ak aldean, udaletxean. Gero, 19:00ak inguruan, Loiolako santutegira joango da, han Txema Vicente Loiolako Erretore Nagusiarekin elkartzeko.