Ostiraletik aurrera banatuko du Uztarriak herri aldizkariaren uztaileko zenbakia. Bertan, besteak beste, azken urteetan desagertu diren udalerriko hainbat baserriren argazkiak ikusgai izango dira, Klik atalean. Argazki guztiak Juan Joxe Agirrerenak dira. 1997an kaleratu zuen Azpeitiko Udalak Agirreren Azpeitiko baserriak liburua. Ordutik hona liburu hartan agertzen diren hainbat baserri falta dira, eta horien bilduma egin du Uztarriak, Agirreren laguntzarekin. Hemen, aurrerapen bideoa.