Badator mantangorri, eta badator Xanjuandegiko ume eguna ere. Maiatzaren 25ean berrehun umetik gora elkartuko gara Amona Mantangorriri ongi etorria prestatzeko. 11:00etatik 17:00etara arte luzatuko den egun osoko egitaraua osatu dugu, baina guzti hau aurrera eramateko zure laguntza behar dugu.
Beraz, umeak gustuko badituzu eta egun horretan begirale moduan ondo pasatzeko aukera galdu nahi ez baduzu, animatu zaitez! Bidali email bat xjauzolanean@hotmail.com helbidera, honako datuekin: Izen-abizenak, kontakturako telefonoa, laguntzeko ordutegia (goizez bakarrik, bazkalordura arte, arratsaldera arte…) eta lehentasunak (4-5, 6-8 edo 9-12 adin tarteak). Eman izena maiatzaren 17a baino lehen eta jarriko gara zurekin kontaktuan, bilera informatiboa egiteko eguna baino lehen.
Begirale moduan aritzeaz gain, antolaketa lanak ere izango dira (bazkarirako mahaiak jarri etabar). Horretan laguntzeko prest bazaude ere jarri zaitez gurekin kontaktuan. Animatu!
Oharra: Lehentasunak errespetatzen saiatuko gara, baina ezin dugu baieztatu posible izango den. Beraz, izen emateko eguna hartuko dugu irizpidetzat hori bermatzerakoan.
Pongo, Garro eta Troki