Azkenaldiko egutegia izango du aste honetan ere zinema eskaintzak Soreasu antzokian. Horrela, datorren igande arratsaldean eta astelehen iluntzean izango da zinemaz gozatzeko parada Azpeitiko antzokian.
Igandean (19:30) eta astelehenean (21:00) emango dute Lila Aviles zuzendariaren Tótem (Mexiko, 2023). Haurtzaroa eta familia gatazkak oinarrian dituen drama da Tótem."Solek (Naima Senties), 7 urteko neska txikiak, aitonaren etxean emango du eguna, aitaren omenezko ustekabeko festa prestatzen. Egunean zehar, baina, kaosa nagusituko da Solen familiaz, haren zimenduak lehertzeraino", irakur daiteke filmaren sinopsian.
Boonie Bears: regreso a la tierra (Huida Lin, Txina, 2022) animaziozko filma, berriz, bereziki umeei zuzendutako igande arratsaldeko saioan emango dute, 16:30ean. Boonie Bears otsoen abenturen saileko azken filmaren sinopsia da hau: "Espazioko objektu ezezagun bat Lur planetan lurreratzearekin batera, Bramblek trebetasun berriak lortzen ditu, eta lagun estralurtar bat ezagutzen du".
Ohi bezala, zinema emanaldietarako sarrerak aurrez eros daitezke Kulturaz.eus webgunean.