Udaleko Herritarren Arreta Zerbitzuko (HAZ) makina udaletxearen lehen solairutik Udal Igerilekuaren eraikinera lekualdatu dute. Udalak adierazi duenez, "udaletxeak baino ordutegi zabalagoa du igerilekuak eta jaiegunetan ere irekita egoten da". Makina tokiz aldatuta, izapideak egiteko erraztasun gehiago eman nahi dizkiete herritarrei.
HAZ makinaren bidez, ordainagiriak edo isunak ordaindu, errolda agiria atera, idatziei sarbidea eman eta beste hainbat tramite egin ditzakete herritarrek.