Amaieraren hasiera

Eta berriro elkartu gara
gure herri honen bueltan,
pasatutakoak atzean utzi eta
bizimodu berri honetara
moldatzen garen bitartean.
Izan dugu denbora luzez
zer ikasia, zer lagundua,
baita zer eskertua ere.
Bananduta egon izanagatik,
inoiz baino elkartuago egon gara,
benetan maite ditugunak
egunero mimatuz
eta urrun izan ditugunak
une oro oroituz.
Ez dira egun laburrak izan,
ezta momentu oso atseginak ere,
baina herritarron imajinazio eta
elkarrekintza bidez
lortu dugu aurrera egin
eta egun luze haiek
orain irribarre batez gogoratzea.
Munduak aukera berri bat
eskaini digu
orain arte egindakoak hobetzeko eta
egiteko ditugunak
zentzuz eta erantzukizunez
burutu ditzagun,
horrelako aukerak bat baino gehiago
ez baitira izango.