Espainiako Hirugarren Mailan aritzen den gizonen lehen taldeari dagozkion hainbat iragarpen egin ditu Lagun Onakek. Duela aste batzuk iragarritako fitxaketa, kontratu luzaketak eta entrenatzaile aldaketaz gain, gizonen talde nagusirako beste bi kontratu luzaketa eta bost fitxaketa berri egin ditu Lagun Onakek.
Ibai Salaberria tolosarra, Mikel de Alba eta Iñigo Ariztimuño irundarrak, Haitz Lopez zaldibartarra eta Andoni Errasti eibartarra izango dira 2023/2024 denboraldian Lagun Onaken gizonen talde nagusian jokatuko duten kide berriak.
Andoitz Amenabar eta Iker Hidalgo azpeitiarrek ere taldean jokatzen jarraituko dutela iragarri du klubak, kontratua berritu baitute.