Zapatuan barre egin genuen Tor magoarekin. Ederra izan zen gaztetxoen aurpegiak ikustea (eta hain gaztetxoak ez zirenena ere bai), txundituta, sinetsi ezinik. Igandean, Itsasirekin ikuskizun koloretsu eta bizia ikusi genuen berriz. Oso ederra.
Umorea eta magia izan genituen zapatuan Tor magoarekin. Hator magiara ordubeteko ikuskizuna eskaini zuen, oso parte-hartzailea. Ikuskizunaren baitan magia saio ezberdinak egin zituen eta bakoitzeko norbait ateratzen zuen ikuskizunaren parte izateko. Umoretsua izan zen, Tor magoa bera hiztun abila delako, eta batez ere, haurren ateraldiak ederrak izan zirelako, bideoan ikus dezakezuen moduan.
