Entzuteko ba!

Erabiltzailearen aurpegia Alaitz Olaizola | Artikulua
2006-01-13 12:01

 

   

MIREN:         Ez nuen espero hark hura esaterik. Esan nion nik, bakoitzaren ideiak beti direla errespetagarriak, eta berak, baietz, baina arrazoia berea zela... Ez zitzaidan batere gustatu....Zer nahi duzu ba esatea.... Joxe. Joxe!... JOXE!!!

 

JOXE:           Ai! Ez egiteko ba oihurik!

 

MIREN:         Entzun al duzu nik esandako ezer?

 

JOXE:           Zuk ze uste?

 

MIREN:         Ezetz!

 

JOXE:           Bai emakumea. Ederki afaldu zenutela esaten ari zinen. Joango gara elkarrekin bertara datorren astean edo afaritxo eder bat egitera. Zer diozu polita?

 

MIREN:         Hara Joxe, azkenean egia izango da “Al habla” aldizkarian irakurri nuen hura.

 

JOXE:           Zein egi?

 

MIREN:         Zientzialari talde batek, ikerketa bat egin ostean, ondorioak kaleratu ditu.

 

JOXE:           A.

 

MIREN:         Ba al dakizu zein ondoriotara iritsi diren? Gizonezkook, emakumezkoon ahotsak sortzen dituen soinuak prozesatzeko, biologikoki ezgaituak zaudetela.

 

JOXE:           Bai zera!

 

MIREN:         Ikerlariek diote, emakumearen ahotsa gizonarena baino askoz ere konplexu eta musikalagoa dela. Ez hainbeste ahotsaren neurriagatik, baina bai jariatzen dituen uhinengatik.

 

JOXE:           Ez dut piperrik ere ulertu.

 

MIREN:         Entzuidazu ba arretaz! Emakumeon ahotsaren konplexutasunaren ondorioz, gizonok arreta handiagoa jarri behar izaten omen duzue, eta horregatik nekatzen omen zarete hain azkar. Halako esperimentu bat egin omen zuten: Gizon talde bati, aurrez grabatutako ahots batzuk jarri omen zizkioten entzuteko. Hamabi gizon eta hamabi emakumeren ahotsak zituzten entzungai. Tramankulu baten bitartez, ahotsak entzuten zituztenean, beren garunek izaten zituzten erreakzioak neurtu zituzten. Orduan jabetu omen ziren, emakumearen ahotsak, garuneko zelula desberdinetan zuela eragina. Alegia, gizonaren garunean, emakumearen ahotsa entzutean, soinua eta musika prozesatzen dituen garuneko atala jartzen omen zen martxan, ez ordea lengoaiarena. Horregatik esaten omen dugu emakumeok hain sarri, “ ez du entzuten, ez du ulertzen…”. Joxe? JOXE??

 

JOXE:           Zer Miren?

 

MIREN:         Entzun al didazu?

 

JOXE:           Entzun zer, maitea?

 

MIREN:         Hara, gauza bat esango dizut. Ez dakit ikerketak ezertarako balio duen. Edo gizonoi ikerketaren ondorioak primeran etorri zaizkizue eta emakumeoi etsitzea baino ez zaigu geratzen, edo kirofanotik pasa beharrean zaudete, eta ikerketa egin dutenei, hori aipatzea “ahaztu” egin zaie! Marka duk gero!

 

JOXE:           Bai laztana.

 

 

 

Erantzunak

susana | 2006-01-13 : 19:01

Aupa Alaitz!!!!!!. Gustora irakurri dinat hire idatzi hau, oin gauza bat esango dinat, ez duenak nahi ez din ez entzun eta ez da ulertu ere egiten, borondate kontue ere asko zion gora behera hortan nere ustez, baina tira hainbat gauza fisiko ere izango dizkunau imajinau ere egiten ez ditugunak.

elorri | 2006-02-01 : 12:02

Emakumezko eta gizonezko... nahasturik gabiltza geure HARREMANETAN.
Emakumeak bizi mentala garatzen din eta gizonezkoak eginekoa. .........Emakumeak ikasten duena gizonak baino hobeto egin ohi lezake...... Gizonak bapatean, egina erreztera jotzeko ohitura din. Emakumeak, egunerokoari hobeto jarrai izan ohi zion, etxerako bizi ohi den. Gizonak indar lanak beretzat hartu ohi dizkin.... Horrelako bataz bestez osatuak gaitun, Izadiaren Arauetan dena egoki......Bainan hori galdu hunan, orain nola nahi diñeu bizi? Geure euskera den aztarnarik zaharrena, harremanak bereizteko. Garen gorputza, fisiko eta mental garapen bat besterik ez da, eta bakoitza ari gara bizitzen bere EXPERIENTZIEKIN, eta horretan zegon bakoitzon aldea......
Amangandik datorkigu bizia...Ametsetan ditugu guztiak..euskeran bustiak.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa