Emakumeon hanketako ileak

Erabiltzailearen aurpegia Alaitz Olaizola | Artikulua
2006-03-08 09:03

“Galtza luzeak eramaten ditudanez, ez ditut hanketako ileak depilatzen”

 

Urteroko moduan, gaurko egunez, datu andana jasotzen ari gara komunikabide guztien bitartez. Esatariak berak dio, ia urtero, eskakizunak berdinak direla, berrikuntzaren batekin. Zerbaitegatik izango da...

 

Euskal Herrian, langabezian dauden gehiengoa, emakumea da. Lana izatearen kasuan, behin-behinekotasuna askoz ere handiagoa da emakumeen artean gizonen artean baino. Eta hori gutxi balitz, askok, gizonek baino ehuneko hogeita hamarra gutxiago kobratzen dute.

 

Historian zehar izandako emakumeak, ezezagunak zaizkigu, inoiz existitu izan ez balute bezala. Azpeitin bertan, San Sebastianetako karroza “suntuosoan”, omenduak beti dira gizonezkoak.

 

Horrela, datuak, nahi beste eta aspertzeraino.

 

Ondo. Berdintasunerako bidea jorratzen jarraitu behar.

 

Eta gero...

 

“Galtza luzeak eramaten ditudanez, ez ditut hanketako ileak depilatzen”

Eta segidan erantzuna edo komentarioa: Akats grabea da hori! Ez duzu ba pentsatuko, hankak ilez josita, inor konkistatzeko gai izango zarenik, ezta?”

 

Gero, depilazioaren aldeko diskurtso laburra, eta amaitzeko, krema konkretu baten propaganda: 25 euroren truke, ilerik gabe eta konkistatzaile!

 

Guzti hori, azken hilabeteotako El Semanal batean irakurria.

 

Akats grabea! Orain, emakumeon hanketako ileak ere, kriminalizatu egin behar ote dizkigute ba? Besterik ez zitzaigun falta!

 

Berdintasunaren bidea jorratuz, hanketan ileekin edo ilerik gabe.

 

(Egia ote da, hanketan ileak dituzten emakumeak, ez dutela “konkistatzen”?. Ikerketa bat egin genezake…)

Erantzunak

Ile zuri eta bere kokistatzaiel ipotxak | 2006-03-08 : 16:03

Igual udaran ezten konkistauko baina neguan behinik pein ixkutuan eoten ditun eta konkista ta geo azaltzen ditun!!!!!!!!Baina ke te kiten lo bailao. behin Konkistau ta geo......................

Ile bat, bi ile... hau puntada | 2006-03-10 : 13:03

Ditxosozko ileak!!! Ez dun depilazioaren defendatzaile sutsua naunela, baina hik aipatutako hanketako ileak-eta gorroto dizkinat. Horrek ez din kentzen eskubideen berdintasunerako bidean lanean jarraitu nahi ez dinatenik!
Ondo segi Alaitz!!

mutil 1 | 2006-03-12 : 23:03

arrazoia dun, illiek ze inportaiñabe. ezautzeñat azpeitiko neska1 eztana depilatzen. nei mutil bezela berdin ebrdin atraitzeibe neskak illikin o gabe

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa