Atzo gauean eman zuten ETB1en SOS Kantak Arriskuan saiorako udaberrian Azpeitian grabatu zuten atala. 1893an herrian jokatu zen bertso sariketaren ondoren Pello Errota eta Udarregi bertsolarien artean piztutako ika-mika entzutetsuaren barruan, sinatu gabe zabaldu zen Azpeitiko premiyuengatik bertso sortak izan zuen sona bere garaian. Bertso horiek berreskuratu eta azpeitiarrekin kantatu dituzte saiorako Klara Mendizabalek, Lide Hernandok eta Iker Laurobak, baita testuinguruan jarri ere, hainbat herritar ezagunen laguntzarekin.
EITBren Nahieran webgunean osorik ikus daiteke atzo telebistan lehen aldiz eman zuten atala.