Eskuragarri daude Gaztetxearen 13. urteurreneko bazkarirako txartelak
2018ko uzt. 17a, 22:04
Zapatuan ospatuko du Azpeitiko Gaztetxeak 13. urtemuga, eta dagoeneko salgai daude bazkarirako txartelak. Urola Expres eta Orkatz tabernetan eskura daitezke. \
\
Ikasleek eta langabeek zortzi euro ordaindu beharko dute txartela. Landunek, aldiz, hamabi euro. Bazkarirako txartela erosten duten lagunek ez dute luntxerako eta kontzertuetarako sarrera erosi beharrik izango. \
\
Hona hemen Azpeitiko Gaztetxearen 13. urteurreneko egitaraua, osorik:\
\
11:00. Baltsen erakusketa eta hamaiketakoa. \
\
12:00. Baltsak uretara!\
\
14:30. Bazkaria. Ondoren, baltsa jaitsierako sari banaketa.\
\
17:00. Kalejira jolasekin eta sangriadun karro musikatuarekin. \
\
21:00. Luntxa.\
\
22:30. Kontzertuak: Marianitos Blai eta Pellanbre.