Hitz propioak alferrikako uste direnekoak

ROMUALDO.- Kataluniarrek jakin zutenean Romualdok bere herrialdetik aldegin nahi zuela, eragotzi egin behar ziotela erabaki zuten eta horretarako otu zitzaien bide bakarra bera erailtzea izan zen. Gutxienez bere erlikiez aprobetxatuko ziren, baina hainbeste debozio ez zen izan santuaren gogoko eta amarruren bat erabiliz ihes egin zuen. Romualdo hilik iada, berezko heriotzez, kataluniarrek espedizioan joatea erabaki zuten erlikiak berenganatzeko, baina nor zen joan beharrekoa eta nor ez, eta nor itzuleran haiek garraiatu behar zituena erabakitzeko euren arteko liskarrak hainbestekoak izan ziren, non erlikiak zeuden lekura iritsi zirenean, ez zutela bertakoen erresistentziarik aurkitu, sitsak janak baitzituen.

(Ferrer Lerín-en Bestiariotik)