Azpeitiko Kultur Mahaia

 

Sormen Literarioko Saria eskuratu du Koldo Azkune azpeitiarrak

Erabiltzailearen aurpegia Azpeitiko Kultur Mahaia | atzo : 16:22 | Kultura

Nafarroako Gobernuak ematen duen Sorkuntza Literarioko Saria irabazi du Koldo Azkune Etxebarri azpeitiarrak, Garatea nobelarekin. Literatur sormena eta publikazioa du helburu sariak. Azkunek 3.000 euroko saria jasoko du, eta nobela publikatuko diote. Argentinar batek bere sustraien bila Nafarroara egiten duen bidaia kontatzen du Garatea nobelak, umorez.

Otamendiren liburuari kritika, 'Berria'-n

Erabiltzailearen aurpegia Azpeitiko Kultur Mahaia | atzo : 10:34 | Kultura

Jose Luis Otamendiren Kapital publikoa poema liburuari Hasier Rekondok egindako kritika kaleratu zuen igandean Berria egunkariak. "Barne erritmo definigaitz baten jabe, bere ortzi partikularrean karrankarik gabe barneratzen gaituen poeta handia, hitzen presentzia argitsua ondo neurtzen dakiena", dio Rekondok. 

Musikaz beteko da Soreasu bihar eta larunbatean, Xexili oroituz

Erabiltzailearen aurpegia Azpeitiko Kultur Mahaia | 2014-11-19 : 09:36 | Kultura

Aurten ere kontzertuak eskainiko dituzte Udal Musika Bandak eta Antxieta Musika Eskolak Xexiliren omenez. Ostegunean 19:00etan izango da musika eskolaren jaialdia, eta larunbatean, 19:00etan Musika Bandaren kontzertua. Biak Soreasun izango dira. Astelehenean hasi zituzten Xexiliten omenezko ospakizunak: kalejira bat egin zuten, eta txokolatada.

 

Jabier Lazkano: "Ezkuztako kobazuloan edozein pertsona sartzeak kezkatzen gaitu"

Erabiltzailearen aurpegia Azpeitiko Kultur Mahaia | 2014-11-14 : 12:41 | Kultura

50 urte daramatzate Antxieta Arkeologia Elkartekoek lan isilean. Astero-astero joaten dira mendira. Bila aritzen dira, aztarnen bila. Indusketak egiten dituzte, eta aurkikuntzak ere bai, isil-isilik, ordainetan ezer jaso gabe. Jakin berri da Ezkuztako koban Madeleine Aldiko bi haga topatu zituztela. Koba babestu ezean gertatu daitekeenak kezkatzen ditu orain, batik bat. Urola Kostako hitza-k elkarrizketa egin dio Jabier Lazkano Antxieta Arkeologia taldeko kideari.

Jose Luis Otamendik 'Kapital publikoa' aurkeztuko du hilaren 30ean, Sanagustinen

Erabiltzailearen aurpegia Azpeitiko Kultur Mahaia | 2014-11-14 : 10:07 | Kultura

Atzo aurkeztu zuen Jose Luis Otamendi poeta azpeitiarrak Kapital publikoa poema liburua. Azpeitian ere aurkeztuko du lana poetak; hilaren 30ean errezitaldia egingo du, 19:00etan Sanagustin Kulturgunean. Xabi Borda poeta azpeitiarrak gidatuko du saioa.

 

Antzerki topaketen barruan, herriko talde bana gaur eta ostiralean

Erabiltzailearen aurpegia Azpeitiko Kultur Mahaia | 2014-11-12 : 09:36 | Kultura

Euskal Herrian egiten ari diren antzerki lanak ikusteaz gain, herriko obrak taularatzeko aukera ere ematen dute  Antzerki Topaketek. Halaxe izan da aurten ere. Horren erakusle dira gaur eta ostiralean taularatuko diren lanak: gaur 15:30ean Habemus Zirkus antzeztuko dute herriko artista gazteek, eta ostiralean 21:30ean Orekaren desoreka eskainiko dute emakume antzerki tailerrekoek.

Herritik atera gabe, denetik egiteko aukera

Erabiltzailearen aurpegia Azpeitiko Kultur Mahaia | 2014-11-07 : 12:10 | Kultura

Antzerkia, bertsoak, ardoa, Nirvana, mutxikoak, zinea... denetik egiteko aukera dago asteburu honetan ere, Azpeitian. Lasaon Sanmartin festak ere badira, eta herritik kanpo ere badago deialdirik. Beste behin, aspertzen denak, halaxe egin nahi izan duelako egingo du.

Igandean mutxikoen aurreneko saioa egingo dugu, plazan

Erabiltzailearen aurpegia Azpeitiko Kultur Mahaia | 2014-11-07 : 09:58 | Kultura

Urritik maiatzera da mutxikoak dantza jauziak plazan egiteko sasoia. Lapurdin egiten dira batik bat, baina Gipuzkoako hainbat herritan ere abiatu genuen bidea iaz; haien artean Azpeitian. Aurten bideari jarraitzeko asmoa dugu, eta horretan ari gara. Itsasi Kultur Taldeak, Sahatsa Dantza Taldeak, Ikasberriko dantza eskolak, Azpeitiko Kultur Mahaiak eta Sanagustin Kulturguneak elkarlanean, kurtsoko bigarren saioa egingo dugu igandean, 12:00etan plazan (eguraldi txarra badago Sanagustinen). "Erdizka lauetan, pika eta dobla!". Etorri, ikusi eta mugitu hankak!

 

Lakrikun: "Umorea lantzen dugun arren, mezu sakonak ditu obrak"

Erabiltzailearen aurpegia Azpeitiko Kultur Mahaia | 2014-11-06 : 12:54 | Kultura

Alaitz Olaizola, Gurutze Eizmendi eta Idoia Uranga Lakrikuneko kideek sortu dute larunbatean estreinatu behar duten lan berria: Non gaude?. Ohituta daude elkarrekin lana egiten, formatu honetan bereziki. Soka bereko hirugarren lana dute hau, Greban gaude eta Prest gaude-ren atzetik. Ezin jakin ildo bereko azken lana ote den. 21:30ean izango da, Soreasu Antzokian, XXXII. Antzerki Topaketetan. Gogotsu daude, eta sorpresa gorde nahi dute ikuslearentzat. Abilak dira ezer kontatu gabe galderak erantzuten. Obra ikusi beste erremediorik ez dago. 

 

Bidali Fermin Muguruzarentzat galdera

Erabiltzailearen aurpegia Azpeitiko Kultur Mahaia | 2014-11-03 : 11:06 | Kultura

Bihar izango dugu Fermin Muguruza Aho Bizarrik Gabe solasaldi saioan. 19:00etan hasiko da, Sanagustin Kulturgunean. Olatz Prat kazetari azpeitiarrak egingo dizkio galderak, eta nahi baduzu, zurea ere helaraziko dio. Horretarako, bidali galdera ahobizarrikgabe@gmail.com helbidera.

 

Asteburuan antzerkia, kontzertuak, Argazki Rallya eta zinea

Erabiltzailearen aurpegia Azpeitiko Kultur Mahaia | 2014-10-31 : 10:39 | Kultura

Asteburu hau ere ekitaldiz beteta dator. Aspertzeko astirik ez du izango hala egin nahi ez duenak! Antzerki Topaketak hasiko dira batetik, Pikua tabernaren urteurrena ospatzeko DJak, AZTE tabernarien elkarteak antolatuta Mondocane eta Grises taldeen kontzertua izango da Sanagustin Kulturgunean, Mendiko XIX. Argazki Rallya ere egingo dute igandean, eta zinema ere bai. Hori gutxi ez, eta Erniarraitzek antolatutako bertso parranda ere gaur hasiko da.

Azpeitiko kulturaren argazkia egitera goaz, herritarrekin elkarlanean

Erabiltzailearen aurpegia Azpeitiko Kultur Mahaia | 2014-10-29 : 16:51 | Kultura

Urrats asko eta esanguratsuak egin ditu azken urteetan Azpeitiko kultur mugimenduak. Eta lorpenak handiak izan dira. Baina, zein unetan gaude orain? Zer dago herrian? Zer falta da? Zein dira gure ahulguneak? Zein indarguneak? Zer diote herritarrek? Hori guztia aztertzeko ordua da. Diagnosia egiteko unea. Horregatik, Azpeitiko Kultur Mahaia eta Sanagustin Kulturgunea herriko kulturaren argazkia egitera goaz. Azgazki collagea izango da, klik askotan aterea. Herriko talde, eragile, norbanako, programatzaile, ikastetxe eta abarrekin elkarlanean.

 

Igandean egingo dute Mendiko XIX. Argazki Rallya

Erabiltzailearen aurpegia Azpeitiko Kultur Mahaia | 2014-10-29 : 11:57 | Kultura

Argazki kamera eta mendiko botak prest? Argazkizaletasuna eta mendizaletasuna eskutik elduta etorriko dira igandean. Mendiko XIX. Argazki Rallya eta Udazkeneko XV. argazki Rallya egingo dituzte, aldi berean, igandean, Azpeitiko Argazki Elkarteak eta Lagun Onak Mendi Bazkunak antolatuta. Egunean bertan egongo da izena emateko aukera, Argazki Elkartearen egoitzan (Perez Arregi 1, lehen solairua), 9:00etatik 9:30era.

Azpeitiarren gaua Bonberenean

Erabiltzailearen aurpegia Azpeitiko Kultur Mahaia | 2014-10-23 : 12:33 | Kultura

Azpeitiko bi talderen kontzertua izango da ostiral honetan Tolosako Bonberenean. Kasik eta Ezinean taldeak zuzenean arituko dira, 22:30etatik aurrera. 

Zazpi urteren ostean, lan berria argitaratuko du Jose Luis Otamendik

Erabiltzailearen aurpegia Azpeitiko Kultur Mahaia | 2014-10-23 : 12:14 | Kultura

Kapital Publikoa poesia liburua ondu du Jose Luis Otamendi idazle azpeitiarrak, eta azaroaren erdi aldera aurkeztuko dute. Pako Aristik, berriz, Urari ostutako poemak poesia liburuaz gain, saiakera bat ere argitaratuko du: Euskararen isobarak.

Mondocane: "Konturatu gara taldea gure bizitzako gauza garrantzitsua dela"

Erabiltzailearen aurpegia Azpeitiko Kultur Mahaia | 2014-10-22 : 17:13 | Kultura

Mondocanek 2005ean hasi zuen bere ibilbdea, "elurretan". Ordudanik bederatzi urte pasatu dira dagoeneko, eta hirugarren diskoa aurkeztear da taldea, zapatuan, Azkoitiko Matadeixen. Sanagustin kulturgunean ere arituko da laukotea, azaroaren 1ean. 

 

Fermin Muguruza arituko da Aho Bizarrik Gabe, azaroaren 4an

Erabiltzailearen aurpegia Azpeitiko Kultur Mahaia | 2014-10-21 : 17:25 | Kultura

Musikari eta abeslari asko igo dira dagoeneko Sanagustin Kulturguneko agertokira. Normalean, musika egitera edo kantura igo ohi dira. Forma desberdinean agertuko zaigu Fermin Muguruza. Dagoeneko ezagun egiten ari diren Aho Bizarrik Gabeko besaulkietako batean eseriko da. Azaroaren 4an izango da, asteartez, 19:00etan hasita. Olatz Prat izango du alboko besaulkian eserita, puntuak jartzen. Galderaren bat egin nahi badiozu, bidali ondorengo helbidera: ahobizarrikgabe@gmail.com.

 

Kupela taldeak disko berria atera du

Erabiltzailearen aurpegia Azpeitiko Kultur Mahaia | 2014-10-17 : 12:52 | Kultura

Kupela taldeak lan berria kaleratu du, Eutsi goiari izenarekin. Elkar argitaletxearekin kaleratu duten diskoa orain artekoen ildo beretik doa. Honela dio argitaletxeak: "Bere formula amaigabea erabiltzen du taldeak, beste ...

Abestea nahi duen orok irekita ditu Julian Barrenetxea abesbatzako ateak

Erabiltzailearen aurpegia Azpeitiko Kultur Mahaia | 2014-10-17 : 12:36 | Kultura

Julian Barrenetxea abesbatzak hasi du kurtsoa, eta hango kideek herritarrekin kontatu nahi dute aurrera egiteko. Abesteko gogoz dagoenak taldean sartzeko ateak irekita dituela jakinarazi dute. Ezagutza musikalik ez dela behar azpimarratu dute, gogoa izatea dela garrantzitsua. 

 

'Misterioa' diskoa zuzenan aurkezten hasiko da Mondocane

Erabiltzailearen aurpegia Azpeitiko Kultur Mahaia | 2014-10-15 : 11:46 | Kultura

Hirugarren diskoa argitaratu berri du Mondocane talde azpeitiarrak, Misterioa izenarekin, eta diskoa zuzenan aurkezten hasiko dira datozen egunetan. Bi kontzertu lotuta dituzte: hilaren 18an Bukowskin joko dute, Donostian, eta hilaren 25ean Azkoitiko Matadeixen.

Emaitzak: 380 | Orriak: 1 2 3 4 ... 16 17 18 19